ბოლნისის მუნიციპალიტეტში პროექტი „სამოქალაქო ბიუჯეტირება - დაგეგმე შენი ბიუჯეტი“ დაიწყო

ბოლნისის მუნიციპალიტეტში პროექტი „დაგეგმე შენი ბიუჯეტის“ განხორციელება დაიწყო. ბოლნისის მუნიციპალიტეტის საკრებულომ დაამტკიცა სამოქალაქო ბიუჯეტის პროგრამის დებულება (დადგენილება №19 2022 წლის 4 ივლისი), რომლის საფუძველზე განხორციელდება პროექტი „დაგეგმე შენი ბიუჯეტი“. ბოლნისის მუნიციპალიტეტის 2023 წლის ბიუჯეტში „სამოქალაქო ბიუჯეტის“ პროექტის ფარგლებში, მოქალაქეთა ინიციატივებისთვის 1 500 000 ლარი იქნება გათვალისწინებული.

პროექტის „სამოქალაქო ბიუჯეტირება - დაგეგმე შენი ბიუჯეტის“ ფარგლებში, უკვე პირველი კენჭისყრა ჩატარდა და მოქალაქეთა მიერ წარმოდგენილი საპროექტო იდეებისთვის ხმის მიცემა დასრულდა. კენჭისყრის შედეგად სულ შემოვიდა 3163 ხმა, აქედან 407 ხმა ქალაქ ბოლნისის საპროექტო წინადადებებმა, ხოლო 2756 ხმა სოფლებში განსახორციელებელმა იდეებმა მიიღო.

ქალაქ ბოლნისში ხმების ყველაზე მეტი რაოდენობა ორმა იდეამ მიიღო:

1.ქალაქ ბოლნისში კინოთეატრის კონსერვაცია- რესტავრირება - 229 ხმა;

2. ქალაქ ბოლნისში სკვერის მოწყობა ფეხბურთის მოედნით, ტრენაჟორებითა და სკეიტ პარკით - 96 ხმა

სოფლებში ხმების ყველაზე მეტი რაოდენობა კი შემდეგმა სამმა იდეამ დაიმსახურა:

1. სოფელ ცურტავში სკვერის მოწყობა - 803 ხმა

2. სოფელ ბოლნისში სკოლამდელი სასწავლო ცენტრის განვითარება თანამედროვე სტანდარტებთან შესაბამისად - 802 ხმა;

3. სოფელ რაჭისუბანში სკვერის მოწყობა -306 ხმა.

შეგახსენებთ, რომ გამარჯვებული საპროექტი წინადადებების განსახორციელებლად თანხა ბოლნისის მუნიციპალიტეტის 2023 წლის ბიუჯეტში იქნება გათვალისწინებული.

Kazretipress აქტიურად მუშაობს ამ საკითხზე.

ავტორი: ლუკა ურუმაშვილი